PANGE LINGUA

 

 

1.  Pange lingua, gloriosi

corporis mysterium

sanguinisque pretiosi

quem in mundi pretium

fructus ventri generosi

Rex effudit gentium.

 

2.  Tantum ergo sacramentum

venerémur cernui;

et antiquum documentum

novo cedat ritui;

praestet fides supleméntum

sensuum deféctui.

 

3.   Genitóri, genitoque

laus et jubilátio,

salus, honor, virtus quoque

sit et benedictio:

procedentis ab utróque

compar sit laudátio.

       Amen.